امير الجارحي

نظرت لها وفاء بصدمه.. انتي مس بنتي اللي انا ربتها مستحيل
روان.. ولا انتي امي اللي عشت معاها ياوفاء هانم وياريت بقا تتفضلي علشان ورايا شغل

نظرت لها بصدمه وغضب ولكنها خرجت من المكتب

جلست بعد خروجها علي كرسي والدها
روان ببكاء… ياريتك كنت موجود مكنش كل ده حصل

بدأت العمل علي بعض الاوراق ليفتح الباب ويدخل مروان
مروان ببتسامه.. عامله ايه
روان.. انا كويسه
مروان.. عرفت اللي عملتيه مع امك
روان.. اللي عملته قليل جدا في الجاي
مروان… طب أمير
روان… ده بقا نصيبه هيبقي بليل
مروان… هتعملي أي
روان… هفضحه وهخلي سمعته في الارض وكل الشركات هتتخلي عنه لانها مستحيل تفضل مع شخص سمعته وحشه
ابتسم مروان لها وهي تحكي له ماذا تخطط

في المساء كان يجلس في غرفته في ذالك القصر حتي صرخت والدته بإسمه
نزل سريعا لاسفل ليجدها واقفه مصدومه
أمير… في ايه ياماما
سمر… شوف الاخبار
نظر للتفاز ليجد صور له مع كثير نساء في وضع مخل ويكتب اسفلها
رجل الاعمال المشهور أمير الجارجي يقضي ليالي مع زبائنه وموظفيه
نظر بصدمه للشاشه ليجلس علي الكرسي بصدمه
روان_عبدالله

7___8
7
كان ينظر للشاشه بصدمه ليجلس علي الكرسي بتعب
أمير…الصور دي مش حقيقيه
سمر.. حتي لو مش حقيقيه الصور دي هتأثر علي الشركه
أمير بغضب… ده اكيد مخطط من حد علشان يوقعني بس انا هتصرف
امسك هاتفه واتصل بمراد
أمير… مراد جهز لمؤتمر صحفي علشان اللي حصل ده لازم ينتهي
في منزل مروان كانت تجلس علي الاريكه وهي تبتسم لنجاح خطتها
مروان…. في حاجه لازم تعرفيها
روان.. ايه
مروان.. عرفت ان امير هيعمل مؤتمر صحفي ينفي فيه الاشاعات والصور
روان بضحك.. كنت عارفه انه هيعمل كده وعلشان كده اتفقت مع البنات اللي في الصور انهم يطلعو يسبتو عليه الكلام والصور
مروان… فكرك هتنجح خطتك
روان.. حتي لو منجحتش يبقي سودت سمعته حتي لو شويا
مروان… روان انتي اختي وانا هعمل حاجه علشان اجيبلك حقك منه
روان.. هتعمل ايه
مروان.. هتعرفيها في وقتها
روان.. تمام تعالي بقا نكمل الفضايح
عند وفاء كانت في فيلتها ومعاها احمد
وفاء… انا مش عايزه يكون ليها اي علاقه بشركه جوزي
احمد بشر . انا هتصرف وافكك منها
وفاء.. اعمل اللي تعمله المهم تخلص منها
خرج احمد من المنزل واجري اتصال
احمد.. اسمع يابني في واحده اسمها روان ماهر الفخراني عاوزك تخلص منها
الرجل.. ازاي
أحمد بشر.. اقت*لها
في يوم جديد استيقظت وامسكت هاتفها لتجد أخبار مؤتمر امير انتشرت بشكل كبير
اتصلت علي احد
روان.. نفزوا يلا بسرعه عاوزه تحصل فضيحه مهما حاول يعمل ميعرفش يلمها
في مكان اخر كان يجلس مروان مع لوجي
مروان.. لوجي احنا مش هنكمل مع بعض
لوجي.. بطل هزار
مروان.. بس انا مش بهزر
لوجي… ازاي يعني
مروان.. يعني مش هنكمل لاني مش عاوز واحده اخوها قذر بالطريقه دي
لوجي ببكاء.. انت بتحبني انا مش امير وانت عارف اني مقدرش استغني عنك ليه بتعمل كده
وقف مروان ليقول.. انا اسف كل ده بسبب اخوكي
خرج مروان لتركض خلفه.. مروان ارجوك متعملش كده انا بحبك مروان متسبنيش
ركب سيارته وتحرك بسرعه تاركها خلفه تكاد تموت من البكاء والقهر
لوجي بحقد… كله بسبب أمير
ركبت سيارتها هي الاخري لتتجه للمنزل بغضب
دخلت لتجد أمير يجلس مع والدته ويبتسم وهو يشاهد شئ ما
لوجي بصراخ.. أمير الجارحي
نظر لها بصدمه من صوتها وشكلها
أمير.. مالك يالوجي شكلك عامل كده ليه
لوجي.. اه ماهو كل اللي هامك شكلك وشركتك وصورتك قدام النااس لكن احنا ايه ولا فرقين معاك اصلا
أمير.. ازاي تقولي كده انتي اختي…
لوجي بمقاطعه… اللي انت عملته في روان اتعمل فيا كل اللي بيحصل بسببك انا بكرهك يأمير
خرجت بسرعه من القصر متوجهه لمكان ما
سمر… بتقول ايه البت دي
أمير.. انا هروح اشوفها
كاد يخرج حتي وصلته رساله فتح الهاتف ليقف بصدمه وهو يرا شئ ما
عند روان خرجت من المنزل متوجهه لشركه والدها
رجل.. هي اتحركت دلوقتي ياباشا
أحمد… تمام نفذ دلوقتي
رجل.. اعتبرها في عداد الموته
رن هاتف احمد برقم وفاء
وفاء.. ها هتعمل ايه
أحمد.. اقري عليها الفاتحه
وفاء بصدمه.. انت بتقول ايه
احمد… قتلت*ها
وقع الهاتف من يدها لتجلس علي الارض لا تستوعب شئ مما قال
وفاء ببكاء.. لا بنتي مستحيل تموت انا عملت ايه
عند روان كانت تمشي بسرعه لتظهر امامها سياره كبيره فجأه
حاولت تفاديها ولكنها لم تستطع لتصتدم بالسياره
بعد مده كان تجمع كبير من الناس حولها ينظرون لها وهي تحمل لسياره الاسعاف
وصلو المستشفى لتدخل غرفه العمليات
بعد… تلت ساعات خرجت الطبيبه
الدكتوره.. مين قربها هنا
رجل… انا قربها
الدكتوره بأسف… البقاء لله
ذهبت الطبيبه ليمسك الرجل هاتفه ويتصل بشخص
الرجل.. ماتت
احمد بصدمه…..
روان_عبدالله
جراح_العشق
تفاعل ياحلوين 8