امير الجارحي

نظر لها ليقول… لسه مش موافقه برضو
روان.. عمار احنا اتكلمنا كتير في الموضوع ده وانا مش موافقه اننا نتجوز احنا عايشين زي الاخوات وكارما بتعتبرك ابوها لو مش حابب الوضع انا ممكن امشي
عمار.. لا لا تمشي اي خلاص مش هفتح الموضوع ده تاني وعد مني انا بحب كارما زي بنتي ومش هستحمل تبعد عني
نظرت له بحزن فكانت تتمني ان يكون امير معها ولكنه كسرها لاجل غروره وكبريأه
عمار.. هطلع انام
روان.. وانا كمان
صعد كل منهم لغرفته ليستريح
في المستشفى كانت مستلقيه علي السرير وأمير بجانبها
فتحت عيناها لتجده امامها لتبدأ في البكاء
امير.. ماما اهدي اللي بتعمليه غلط عليكي
سمر.. انا اسفه
امير.. انا اللي اسف علشان كنت بتجاهلك كل الوقت
سمر.. انا السبب في كل حاجه حصلت
لم يفهم حديثها ولكنه قال
امير.. متتكلميش كتير علشان الكلام غلط عليكي
سمر.. بس انت لازم تعرف

امير.. هتقوليلي بعدين دلوقتي ارتاحي
كادت تتحدث مره اخري حتي فتح الباب ودخلت لوجي
لوجي ببكاء.. ماما حبيبتي عامله ايه
سمر.. أنا كويسه تعبت شويه بس
لوجي.. الف سلامه
سمر.. الله يسلمك امال فين بنتك وجوزك
لوجي.. طبعا لما عرفت انك هنا قولت لمروان وزهره مسكت فينا ولازم تيجي معانا لما وصلنا عيطت عاوزه ايس كريم مروان راح يجبلها
سمر.. حبيبه قلبي دي جايه تتطمن عليا
لوجي.. واضح اوي
في صباح يوم جديد استيقظت روان باكرا لتذهب للنادي كعادتها
كانت تمشي في الارجاء لتشرد قليلا وتصدم باحد
روان.. انا اسفه جدا
ماري.. ولا يهمك عادي
روان.. معلش انا كنت سرحانه شويه
ماري ببتسامه.. خلاص ياحبيبتي عادي ولا يهمك
روان ببتسامه.. انا روان وانتي
ماري.. انا ماري
جلسو قليلا يتحدثون
ماري.. بجد والله انتي طلعتي عسل اوي
روان.. وانتي اكتر
ماري بتذكر.. اه صح فرحي اخر الاسبوع ده ياريت تيجي وتجيبي كارما عاوزه اشوفها
روان.. فكره حلوه اكيد هنيجي بس مين خطيبك
ماري.. خطيبي اسمه أمي….
يتبع..
رواية جراح العشق
الحلقة الخامسة عشر
ماري.. خطيبي اسمه أم…
رن هاتف روان لتجيب بسرعه
روان.. كارما حصلها حاجه يداده
الداده.. لا يابنتي هي بتعيط بقالها كتير ومش راضيه تسكت
روان.. تمام انا جايه
اغلقت الهاتف لتنظر لها
روان.. معلش اسف انا لازم امشي
ماري.. تمام نكمل كلامنا وقت تاني
روان.. اكيد