انا متجوز

اسكريب

اسكريبت كامل

وصلتني رسالة واتساب منه بيقولي فيها

: انا متجوز .

بصيت للرسالة بصدمة و مش قادرة اصدق

بعتلي بعديها على طول رسايل كتير

: الين .. يشهد عليا ربي اني بحبك من جوة قلبي و مش قادر اعيش من غيرك .. بس كان لازم اعترفلك بالحقيقة … انا مش قادر اكدب عليكي اكتر من كدة .. انا عارف انك زعلانة بس و الله العظيم انا بحبك انتي و ملقيتش سعادتي الا لما عرفتك … انا مراتي غضبانة بقالها سنة و كل مرة بترحع بتعمد اوديها لاهلها تاني .. انا مش بحبها .. احنا مش متفاهمين .. انا عايزك انتي و لو طلبتي اطلقها مستحيل اتردد ثانية .. ارجوكي ردي عليا .. سامحيني يا حببتي … انا بحبك اوي

كتبتله كلمة وحدة بس وهي ” كفاية ”

و عملته بلوك … كنت مصدومة اوي .. حاسة اني بحلم … كان قلبي بين..زف و بيتقطع … كان نفسي اصرخ بصوت عالي .. كمية قهر مستحيل حد يقدر يستحملها

دخلت ريتال صاحبتي المقربة الاوضة

ريتال : مالك يا ألين ؟؟ بتعيطي ليه ؟؟

قولت و انا بعيط : طلع متجوز

شهقت ريتال بصدمة : انتي بتقولي ايه ؟؟ كل الوقت ده بيخدعك ؟؟ .. طب و هتعملي ايه ؟

الين : مستحيل اكمل معاه ..ده ىاحد كداب … بس انا بحبه ..بحبه اوي يا ريتال

ريتال : ما ينفعش تسبيه من غير ما تتفاهمو ..حاولي اتكلمي معاه و توصلو لقرار

حضنتها و انا بعيط و مقهورة اوي حب سنتين طلع كدبة .. بس انا الغلطانة من البداية … ليه ادخل بعلاقة محرمة .. كسرت قلبي … هو قدر يخليني اعشقه .. حتى بعد ما عرفت انه متجوز لسا بحبه و مش قادرة اكرههه .. مهاب هو اللمسة الحلوة الي بحياتي من بين مليون حاجة وحشة … مش هقدر اوصف قد ايه كان حنين معايا … كانت الكلمة منه تقدر تهديني و تطمن قلبي …

انا ألين … بنت اتربت وسط عيلة ما تعرفش يعني ايه حنية … عشت حياتي معاهم عمري ما سمعت كلمة حلوة منهم .. عندي ام عمرها ما حضنتني .. و اب عمره ما طبطب عليا او سألني لو كويسة … عندي اخوات ما بيعرفوش يعني ايه اخت … عمري ما سمعت كلمة تبسطني .. الاهتمام ده حاجة عمرها ما مرت عليا بالعيلة دي … عندهم كل حاجة مسخرة … بيجرحوني و بيتريقو عليا تحت مسمى الهزار … و طبعا مش قاعدة ببرر لنفسي لاني مهما قولت هفضل غلطانة ..

مهاب جيه و غرقني بكلام حب و حنية و اهتمام .. كان بيحسسني اني ملكة زماني … كان دايما بيطمني .. كنت محتاجة لاهتمامه .. كنت محتاجة حد ما يستحملش يجرحني .. و لاقيت الي عايزاه معاه كنت محتاجة اسمع كلام زي ده محتاجة احس شوية بنفسي … فضلت بدوامة .. التفكير قت.لني